نورا و نصاحتها

Bargaining in China

Come come, lady  lady. Take umbrella only this 300 Yuan

الترجمه: بياعه صينيه تلمه بتحاول تستهبلنا  اول ما شفتنا انا و نورا بنبص على الشمسيات الى فى ايديها.

  طبعاً كان لازم نشتري شمسيات بعد الدش الى خدناه امبارح لما ما سمعناش كلام الواد Harry ال guide بتاعنا و قلنا ايه الهبل ده؟  شمسيات ايه الى عايزنا ناخدها؟
 دا الجو زي الفل .
هو الواد ده بيشتغلنا عشان سواح؟

طبعا طلع هو صح و احنا سياح هبل و خدنا الشتوايه علي دماغنا و الحمد لله ان السواق رضى يركبنا العربيه واحنا هدومنا تتعصر.

المهم سيبنا من Harry و المطر و خلينا في البياعين و استهبالهم.

  كل واحد ماسك calculator فى ايده  عشان مش بيعرفوا يقولوا الارقام بالانجليزى و بيضربوا اسعار خزعبلتيه على اساس ان السياح عندهم عته منغولى و هيدفعوا على طول.

بس على مين؟ دا حتى نورا اتعلمت الفصال منهم ولاقيتها بتقول للبت الى عايزه تبيع الشمسيه ب300 يوان:  No, ten Yuan!!!

 تصوروا نورا الاموره و نصاحتها الزياده 

طبعاً البياعه لوت بوزها و ما عبرتناش و راحت تدور على سياح هبل بجد.

Sent from my iPad