موقعة البجع

موقعة البجع

المكان	شاطئ بحيرة صغيرة فى فلوريدا معروفة بـ  swan lake
الزمان	1997
الأشخاص	توأمان : ولد وبنت 8 شهور أخ أكبر 5 سنوات أخت 7 سنوات أب وأم

نورا وعلى قاعدين فى stroller  بتاعتهم نورا قدام وعلى وراها وعمال يشد فى شعرها .

-         The lake is beautiful

-         Yeh

-         Mummy, look at the swans!  One is kicking one's butt.

وفجأة قرر عبد الله يحوش عن البجعة اللى بتنضرب وراح جارى بسرعة فى اتجاة البجعة المفترية اللى بتضربها وهو بيصرخ : This is not fair go away you stupid swan  

طبعا أنا غيرت إتجاهى أنا كمان علشان أشوف سيادة المحارب هيوصل لحد فين فى معركة البجع .

 يدوب أنا أديرت أتابع الناشط الصغير فى حقوق الحيوان وإديت ظهرى للتوأم وفجأة سمعت صوت عياط " مكتوم " جاى من Stroller  مع إن هم عادة عياطهم بيكون حيانى ومفزع .  

قلت أكيد على بيمارس هوايته فى شد شعر نورا وهى مش عايزة تسوأ سمعته بالعياط الصريح فقاعدة تزوم بالراحة يمكن يبطل . 

 وقررت أتابع المشهد السعيد وعبد الله الجامد بيطارد البجع الشارد ونجح فعلأ فى فض الخناقة وإنقاذ البجعة المظلومة وراجع وهو كله زهو وفخر بالمهمة العظيمة اللى عملها .

فجأة تانى>   آه والله فجأة   هم ولادى كده بيفاجئونا كل 5 ثوانى  بعمل عجيب وده اللى مخلينى بأكتب البلاوى دى كل يوم . فجأة جرى ناحيتى وهو بيصرخ ثانى

This is evil, go away you stupid swan. Leave my sister alone.  

يا نهار إسود هو إحنا فينا من my sister  وطبعا ً أنا مش عارفة لفيت دائرة كاملة إزاى علشان ألاقى أن فى بجعة سوداء مفترسة واقفة قدام عربية التوأم وعمالة تأكل فى رجل نورا

طبعا ً نورا لذيذة كانت أصلا ً رمت الجزمة والشراب فى الشارع أول ما خرجنا زى عادتها ورجليها الإثنين كانوا مدلدلين من العربية و ملظلظين وبيض وفعلا ً يتأكلوا أكل .

والبجعة مش حمارة شافت المنظر قالت تدوق .

أتارى نورا يا روحى مرعوبة وموجوعة وخايفة تصرخ للبجعة تأكلها كلها فعماله تزوم علشان تلفت نظرى وأنا عمالة بأتابع معركة البجع وسايبة بنتى  بتتاكل وأنا مش حاسة

طبعا ً لولا شجاعة القائد المغوار عبد الله اللى انطلق بسرعة الريح فى إتجاة البجعة المعادية وهشها بعيد عن التوأم وفضل يجرى وراها لحد آخر  البحيرة

وأنا أضطريت ابعت حد غيرى يجيبه قبل ما يتهور ويموت البجع بصوته الجبار

Go away you dirty swan or I will kill you!!!

وهكذا أنقذ عبد الله نورا فى موقعة البجع

ملحوظة هامة:

القصة  دى كلها حقيقية ومتصورة عندى على فيديو لو عايزين تشوفوها .