أم الأبطال

أم الأبطال

                                                                                

                                                                                 

أم الأبطال لها  مواصفات أخرى.... خارقه للعاده وهى الصبر والتحمل والفراغ..
أيوه
و خدى بالك  الفراغ ده حاجة تانية غير التفرغ...

الصبر: لحد ما كل واحد فى عيالك يقرر هو عايز يلعب إيه بالظبط.

 يعنى هتبدأى جمباز.. و سباحه ...و باليه ارضى... و مائى للبنات ,,

 و تعدى على العاب القوى و الدفاع عن النفس

و تجربى شوية العاب جماعيه على تنس و اسكواش و ربنا يعينك لحد ما يرسوا على لعبه واحده

                                                                         

التحمل: لأن كل واحد هيعوز لعبه مختلفه عن اخواته  و هتضطرى تروحى أكثر من نادى وتتعاملى مع أكثر من مدرب وتتعرفى على اهالى اللعيبه اللى معاه... ودى حاجه مش سهلة خالص.

                                                                           

 الفراغ او التفرغ  التام  لإنك لأزم تكونى مجهزه البيت من مجاميعه: صوانى الغداء ، سندوتشات العشاء، وناشره الغيسل ومخلصه المكوه و ده معناه إنك تنسي أي career أو متطلبات شخصية.

                                                     

 

 ليه كل دة؟
لإنك هتكونى مقيمه إقامه دائمه فى النوادى... بتشجعى الأبطال فى الماتشات وتتخانقى مع المدربين لو منزلوهمش الماتش كله، ومع الأهالى الثانيه لإن طبعاً ولادك بيلعبوا أحسن من ولادهم,,,
                                                                              

 وتحيا الروح الرياضيه المصرية.

الفراغ كمان مره , بس المره دى  قصدى فراغ الدماغ ....لان الرياضه و النوادى فى مصر اكيد هاتجيبلك عته منغولى و تخلف عقلى و ربنا يعينك .

ملحوظه هامه

لو عايزه تكونى أم الأبطال المثاليه لازم تتفقى مع الاسعاف الطائر علشان تلحقى الاصابات... لان النوادى مش هتعرف الابطال وقت الغم... لا قدر الله.

                                                                      

كمان لازم يكون عندك طول بال و قراءات متعمقة  في علم  النفس الرياضي في حالات الخسارة المتكرره عشان النوادي عندنا مش  بتعترف بـ     بالتأهيل ال   mental

                                          

باى دلوقتى لانى رايحه Wimbledon   حالا , و انا راجعه احتمال الحق لى ماتشين فى ال NBA .

WISH ME LUCK WITH MY CHAMPIONS!!!

أم الأبطال