متعلق بقشه

ايوه لسه عندى حلم وبكره لازم احققه
طول مافى فى العمر لحظه
طول ماقلبى مصدقه

ايوه هافضل برده اغنى
واكسر الليل و السكون
مهما يكبر برده سنى حتى لو صابنى الجنون

ايوه عايش مش لوحدى
والسما مادالى ايد
تفتح الدنيا دراعاتها
بكره يصبح مش بعيد

ايوه هرسم لوحه صافيه للسما من غير غيوم

مهما زاد فى القلب همى هافضل اضحك كل يوم

ايوه بحلم من زمان مركبى توصل لبر
عادى متعلق بقشه بس من جوايه حر

ايوه مؤمن باللى عندى وان حلمى لسه حي
بكره هاوصل للى عايزه
بكره احلى و لسه جاي

ايوه بحلم من زمان مركبى توصل لبر
عادى متعلق بقشه بس من جوايه حر