جنة المترجم الحر

جنة المترجم الحر

الناس دايماً يحسدوا اللى بيشتغل فرى لانسر

خصوصاً لو كان مترجم قاعد فى بيتهم يترجم و يقبض.... و بس

و بما إن ده آخر يوم فى السنة

و أنا من الناس اللى كل سنة يأخذوا قرارات للسنه الجديدة

( بغض النظر عن التنفيذ غالباً )

اتخذت القرار المصيري أنى اشتغل مترجمة فرى لانسر

و اجرب النهاردة (31 ديسمبر 20015 ) إنى أعيش يومى كده عشان القرار المرة دى يبقى مدروس و قابل للتنفيذ.

صحيت الصبح عادي جداً و بدأت بالأفكار الإيجابية زى مابتوع التنمية البشرية بيقولولنا

قعدت شويه مع نفسى عشان نقتنع إن القرار ده سليم و وصلنا للاقتناع الكامل الحمد لله

أنا مش من الناس إلى ممكن تشتغل تحت إيد حد أو حد يتحكم فيها...

و لا بتاعة مواعيد حضور وانصراف و بهدلة فى الشوارع فى الحر و البرد...

ولا عندى استعداد حد يعدل فى شغلى اللى مققت عنيا فيه و جابلى انزلاق غضروفى عشان يطلع بالشكل اللى يرضينى...

ولا بتاعة مواعيد قاطعة مانعة لتسليم الشغل....

ولا يمكن أترجم حاجة أصلا أنا مش مستمتعه بيها و حاباها ...

وبعد الحيثيات دى كلها، اقتنعنا، أنا و نفسى، إن قرار العمل ده سليم بنسبة كبيرة

موضوع الإقناع ده استغرق كام ساعة بس الحمد لله مرحله و عدت.

الساعة بقت 12 و طبعاً فى ناس هيرجعوا البيت متوقعين الغداء...

يبقى نأجل الترجمة شويه و نعمل الأكل.... أمال ....ماهى دى إحدى مميزات الشغل الفرى لانس :

وقتك بإيدك و تنظمى يومك على مزاجك و براحتك

المهم الحمد لله الأكل دخل الفرن و قلت بالمره أشغل الغسالة و ارتب الليفينج على ما الأكل يستوى

الموضوع ده ما أخدش كتير الحمد لله

تلات ساعات بس!

فجأة ، و بالظبط لما كنت بافتح الرواية إللى هترجمها -لإنى باستمتع بيها جداً- دق الجرس

و بدأ الأولاد يهلوا واحد وراء التانى

و ماله، ولادى و أهم من كل حاجه،

أغدي كل حد فى الميعاد اللى ييجى فيه و كدة مايبقاش ورايا أى التزامات منزليه و اعرف أركز فى الترجمة.

كده الساعة بقت سته و بدأت أحس بالجوع

آخذ ساندوتش بقه و شاى و اركز.

فتحت الرواية و فتحت ملف جديد بعنوانها عشان الترجمه

ماعجبتنيش ترجمتى للعنوان...

قلت أقرأ شويه فى الروايه (اللى قريتها قبل كده أربع مرات)

عشان العنوان يظبط

الساعة بقت تسعة!

و شاشة الكمبيوتر ناصعة البياض تحدق فى بكل استغراب

ولسان حالها بيقول هى الست دى فاتحة الملف ده ليه لما هي مش بتكتب؟

 و الله الشاشة طلعت بتفهم وأفحمتنى بجد

قعدت أتأمل ، أنا و نفسى برده ، القرار المتسرع اللى أخدناه

و اكتشفت الحقائق التاليه:

كمترجمه حره ، أنا قضيت اليوم كله بدون أى ترجمه!

طبخت و غسلت و نضفت  و دلعت القطه و فتحت الباب و رديت على التليفون و الإيميل و الواتساب وظبطت كل حاجة تمام عشان اشتغل بمزاج!

و فى الآخر ماشتغلتش خااااااالص!

هي ذى ميزة الفرى لانسنج....

للناس اللى بيحسدوا الفرى لانسر

جربوا يوم واحد و عرفونى عملتوا إيه

منكم نستفيد....

ملحوظة: العنوان مستوحى من الكتاب الرائع  جنة  العبيط  للدكتور زكى نجيب محمود

انتصارات صغيرة

أبيض×أسود

أحدق فى الصفحة البيضاء فتحدق في

تهددنى بالفشل الذريع فأرد بضراوة

لكمة بعد لكمة

كلمة بعد كلمة

أصفع البياض الناصع ككفن

ببقع من الأسود الزاهي الراقي كثوب سهرة

أنتصر.

جوجو ٢

بما إن عبد الله هوا اللى جاب القطه، الجميع ماقدروش يفتحوا بقهم لما قرر يسميها مايكل جوردن!!!

مع إماحدش طبعا مقتنع ان الاسم بتاع العملاق ده يناسب الكتكوته الصغيوره.... خصوصا انها كمان بنوته ورقيقه خالص

إسم تقيل و رزل بس عبد الله طيب و بعد شويه سمحلنا نناديلها جوجو

قلنا كويس، نص العما و لا العما كله .....و لو ان شكلها مش جوجو خالص

دى نونو و مرعوبه و لسه سايبه مامتها و اخوها التوأم

وتستاهل اسم الذ من كده بس اوك....

طبعا يومين تلاته بعد ماعبد الله جابها راح مسافر و سايبهالنا... طفله بريئه 

هنا بقه استفرد بيها على و نورا

هى بتحب على جدا و تلحس و دانه و تنام جنبه على سريره

هو على الى شجعها على الشقاوه و قفز الحواجز و بدأت احس ان فيها جينات حصان.

و بدأ على يناديلها سوشى وهكذا بقت شهيره بهذا الإسم و لو إنه برده مش لايق عليها

 نورا كمان قامت بالواجب..

استغلت غياب عبد الله أسوأ استغلال

كانت بتعامل سوشى على انها بنتها

بتاكلها

وتشيلها طول النهار

و تنام جنبها و على مسافر

وأهم حاجه.....

و تغطى على الهدايا الى كانت بتعملها فى البيت قبل ماتتعود على التواليت بتاعها

طبعا انا كنت عارفه و مطنشه...بمزاجى

يعنى بصراحه القطه بيبى و من غير ام

وحتى عبد الله ابوها بالتبنى مش موجود فى مصر

وعمها على مسافر كمان

فمش هابقى انا و الزمن عليها

و بعد مانورا الخبيثه لاحظت انها صعبت عليا ...

بدات تخرج بيها من الاوضه الى كانت حابسه نفسها فيها

مره تجيبها المطبخ وتقعد ترغى معايا وهيا شايلاها

و مره تقعد معانا فى الليفينج

و فضلت تدحلب حبه ...بحبه ...لحد ماخلتنى فى يوم ألمسها...

انا الى طول عمرى بقرف من القطط لقيت نفسى باتلكك عشان ألمسها من بعيد لبعيد

و مره فى مره شلتها...

بجد انعم و ادفى مخلوق فى الدنيا....

و ريحتها فكرتنى بريحه العيال لما كانوا بيبى...

ايه ده؟؟

تعالوا بسرعه!!

الحقوا بسرعه شوفوا ماما بتعمل إيه؟؟

انا "قفشت" ماما وهى بتبوس جوجو و بتكلمها كإنها بيبى!!!!

وعند هذه اللحظه اللى نورا فضحتنى فيها ... اضطريت اعترف للجميع إنى بموت فى جوجو

وبدإت صورى انا وجوجى  فى حضنى تغزوا الواتس اب و تتبعت لعبد الله وهوا مسافر وهوا مش مصدق الى بيتبعتله ده

كان فاكره فوتوشوب!!

من اليوم ده بالظبط

الجميع رفع ايده عن جوجو و بقت مسؤله منى اوحدى

بس برده أنا مش ندمانه

اتصح ان جوجو عسوله و لذيذه و بقيت بازعل لما تنام

وبما إن الجميع مشغوليين و عاملين البيت لوكانده 

أنا وجوجو بنقضى معظم وقتنا سوا 

وبقينا "بست فريندز"...

بالغيظه فى نورا...

جوجو الشهيره بسوشى

                            

بعد صولات و جولات من المداولات فى البيت

وبعد اعوام من الحروب الباره و الساخنه

بين جبهه الرفض و المقاطعه ( انا و محمد

وجبهه الاصرار و الرزاله بزعامه عبد الله و دعم و تشجيع على و نورا

انتصرت الجبهه الثانيه و اثبتت ان الام و الاب فى البيت دايما على خطأ و إن العيال دايما عندهم حق

آه.... معلش أنا اصلا نسيت أقولكم الحرب كانت على ايه

الأول كانت على كلب

وبعدين لما أدركو إن كونا نجيب كلب يعيش معانا فى البيت ده موضوع مش هيحصل

غيروا الإستراتيحيه الحربيه و بدأوا يزنوا على قطه

أنا الحقيقه الجبهه بتاعتى حصل فيها انشقاق و  كالعده انفصال لأن محمد باعنى و انضم معاهم!!

أنا طول عمرى بخاف و بقرف من القطط

داغير إن ماعنديش استعداد اتحمل مسئوليه كائن حى جديد غير الكائنات المفترسه اللى عايشيين معايا اصلا

طبعا انا فضلت صامده و راسخه على جبهه الرفض لوحدى لحد مالقيت عبد الله داخل علينا بكوره فرو صغيوره طالعلها عينين كبار

وبدا الهرج و المرج 

و انعقد اجتماع طارئ و اسفرت المفاوضات الديموقراطيه عن التصويت

و كالعاده برده

خسرت خساره منقطعه النظير و انا الوحيده الى صوتت بلا فى استفتاء القطه

بس انا برده مش سهله

قلت لهم هيكون فى شروط و عقوبات اقتصاديه و معنويه لو القطه دى خرجت من باب اوضتكم او لمحتها بتتجول فى انحاء الشقه.

و هتكونوا مسئوليين مسؤليه تامه عن أكلها و شربها. 

وطبعا التنضيف و التواليت و الذى منه

الحقيقه ولادى متعاونين جدا ووخدونى على قد عقلى و على البركه

بقى عندهم قطة

وبدأت مفاوضات اختيار الإسم
.......
بكره بقه عشان القطه بتنادى عليا و مش هاقدر اتأخر عليها

Happy When Happy Despite

Happy When Happy Despite

 

 

  

On my last birthday I made a massive discovery about myself: I have been postponing happiness for the most part of my life. I was the "happy when" type, the one who needed something to happen as a condition for her happiness. 

Over the years, I have deceived my self continuously by promising to be happy when I achieved something or reached a goal;  alas I  could never keep the promise because I had to set another condition.

I will be Happy when I get married.

I will be happy when I get that job in the university.

I will be happy when I get my PhD.

I will be happy when the kids grow.

I will be happy when they graduate and get married.

I will be happy when I move to the new house.

I will be happy when I lose those five kilos.

I will be happy when I get my dream car.

And I was happy for all these things but only briefly because I had to hurry up and set a new goal and forget about the precious things I already have, take them for granted and assume I should have something else to aspire to.

Now that the realization struck me like a tornado, I tried to remember the last time when I was unconditionally happy, when I did not set a target.  To my surprise, I had to go so far back to the time when I was nine or ten! I saw myself playing on the beach with my sister and brother and some ten or twelve cousins. My parents, uncles and aunts were sitting under three overlapping umbrellas talking and laughing and eating as if there were no worries in their world.    

I tried to figure out the reasons  why I lost the"  just feel happy for now ability" and decide the exact time I adopted " a happy when" attitude ? Is it something in my personality?   Is it a cultural heritage which allows us to be happy only when our family's pre-decided goals for us are achieved?  Is it an outdated educational system which stressed academic success as a condition for happiness and an end in itself? Or is it an inherent sense of guilt that stressed I  did not deserve happiness unless I do such and such and lashed me to do things fast and perfect?  Instead of coming up with a clear cut answer, I made another discovery.  Whenever I caught myself feeling happy for one little thing or another, I always felt guilty for it!.  How can I be happy while a relative is sick? Or when my son is stressed because of a final exam?  Or a friend has  just lost her husband? The things to worry about or fret over are always abundant;  deep down I have that notion that as long as they exist I have no right to be happy.  So happiness itself becomes a crime, another reason to torture myself  for not being supportive or helpful or at least appreciative of other’s feelings.  So instead of seizing the opportunity to grab a moment of happiness, my automatic pilot would drag me down to the real world and my mind would shun the happiness urge and start to do its real business: spotting a problem and trying to solve it, quick. I have always found excuses and sat up dates and deadlines that I never could meet to postpone happiness.

I also found out it is a cultural issue. In my country if you are with friends or family and a fit of laughter strikes for one reason or another, you will always find a sane person who volunteers to remind you that you have no right to be so happy! They will remind you that this very happy situation would definitely turn into a problem or a sad situation and warn you that your laughter might miraculously lead to tears!!   " Khair Allah homa eg3alo chair"  meaning may God not turn this situation into the opposite.  It is some kind of  supplication we always mention when we catch ourselves lost in laughter or a sudden fit of happiness, as we expect God is likely to punish us for feeling happy.  This, of course, has no religious- related grounds at all since we are always urged , as Moslems, to expect good things and rewards from Allah.

Why cannot we just replace" happy when" with "happy despite" attitudes. To be happy despite the pain, the traffic jams, the loss of a dear one, the failure to get the job. I am not in a position to tell you what to do to be happy. If there is one thing I know by now about happiness then I must tell you it is a  CHOICE .  Happiness is so subjective, relative and brief.  I simply do not  know about you. But I know that I can feel joyful with simple things, as simple as a cup of earl grey or raspberry tea by choosing to drink it mindfully, by a one day trip with my husband, by a bunch of lilies in a vase by my desk, by watching a Disney movie with my kids, or taking my daughter to a shopping mall. Happiness is short and illusive, so go grab one moment and always make the choice to be happy no matter what happens.

 

 

Loless Summer

If you are familiar with the blog, then you most probably know Lol,  my son and treasure Ali.  If you are not a frequent visitor here, let me tell you something about him.  Ali is not an ordinary 19th year old son; he is the apple of my eyes and the one person I trust with my life and feel totally comfortable depending on.  For his twin Nora and I, a day without Lol is an ugly one, let alone a whole summer without him. 

This summer, Ali decided to pursue an adventure in Africa. Despite my feverish attempts to make him change his mind, he won all the arguments.  He packed his bag and his twin Nora and went off to the farthest part of the dark continent, South Africa.  He could have traveled to Europe, like any young man would love to do, but he insisted. He had his mind settled on an educational program in Eastern Cape.  For the first ten days or so, they had to stay on a camp where there was no electricity or running water and the weather was freezing. They had to ride daily to the school to get it ready for students. They painted the walls, fixed the roof and built a bicycle parking.  Nora, got bitten by a nasty insect and felt sick all the time, decided to come back. She could not take the harsh living conditions and I hoped Ali would do the same, but he did not.

On his own, it was time for Lol to rise and shine.  He taught math, physics, and English to students who were his age or older. Some of them were thirty and married with children. He made a wonderful impression on the students and staff and on other volunteers and made friends with some of them. He cooked them traditional Egyptian food and helped them bake bread, things he had never done at home.  When he completed the program, he decided to tour the country and visited some of the most spectacular places in Cape Town and Johannesburg.

Finlay, Lol is back home. He had the most wonderful summer and I had a terrible summer without him but he made me a very proud mother as he always did. It looks like I will have to spend many Loless summers since he is already planning his next summer trip.


 

Prayer by Abdalla Mohamed Ali

This is the first guest blog by Engineer Abdalla Mohamed Ali, my wonderful son, and I hope it won't 

 be the last.  I actually sort of "stole" it from a Facebook post of his.  Welcome aboard Bodz.  

Prayer

 It is a time when you do not have to think about anything, you don't have to plan, stress, worry, regret, or sorrow. You are standing in front of the one and only creator and controller. It is a period of time when you can fantasy or ask for all you desire, or be grateful for all what you have. It is when you can simply step out of all physical or mental status, to reach a state of inner peace that reminds you that you can only control what you can, and the rest is already determined to be the best that could ever happen to you; because it is written by the One who gave you life. This is the  One who gave you the five senses you use to roam a vast and endless, sustainable, artistic, balanced, diverse, and perfectly constructed universe that you had no hand whatsoever in creating! The One who gave you a great tool, your mind,  a tool that enables you to be master of this universe, to survive with your fragile body the challenges of daily life varying from a simple one- celled virus capable of destroying you, to a great grizzly bear able to tear you apart with one strike of it's claws. The One who enabled you to handle all sorts of weather from a vast hot isolated desert, to the subzero temperatures of the north and south. He created you to conquer his universe and be superior to any other living being. Believing in a creator gives you the privilege of praying, rather than meditating. There's a thin line between both behaviors; when you meditate, you clear your head of all unnecessary thoughts, you really relax and enjoy the peace, surrender, and relaxation. In prayer you get the added value of relief; as you realize that you are in the driver's seat of your life, controlling your every move, but you also realize that the seat belt you have on, the life you are driving, and the route you are taking, are all designed by the only perfect engineer out there, the same engineer who provided us with this perfect endless universe to conquer.

نورا و على فى الأدغال

نورا و على فى الأدغال

-انا عايزه اسافر لوحدى... اشمعنى على و عبد الله!

-تسافرى لوحدك ازاى يعنى...
- انا اصلا مش موافقه انك تسافرى مع اخوكى!

-ليييه يعنى ... هسافر يعنى هسافر... ماليش دعوه..

الحوار ده بقاله شهرين شغال فى البيت 

و كل يوم ينتهى بخناقه

الله يخرب بيت السفر... على بيت ايزك و اللى اخترعوها!

قال ايه نورا عايزه تسافر لوحدها اخر الدنيا و هي لو دخلت المطبخ و لقت نمله ماشيه بتصوط و تطلع تجرى وتنادى علينا ننقذها من الوحش!

امال لو راحت كينيا و لا جنوب افريقيا و طلع لها اسد هاتعمل ايه؟؟

وحتى على... انا مش موافقه يسافر!

دا اخر توهان!

هما الاتنين ماينفعش يسافروا اصلا!

احنا اخر مره رحنا السخنه نسيو شنطتهم فى البيت و مااكتشفوش الا بعد ماوصلنا !!!

مافيش سفر يعنى ما فيش سفر!!

يانا ياانتو بقه... و مافيش سفر الساحل حتى!

...مش افريقيا و الهبل ده !

اللى يسمع الكلام ده طبعا يفتكر انى أم جامده جدا و مسيطره و ماعنديش تفاهم

مايعرفش انى بعد شويه هاضطر اوافق من كتر الزن و الالحاح و الرخامه و الرزاله

بس طبعا يسافرو سوا ....

اهه يونسوا بعض و ربنا يستر 

وانا اقعد هنا اكل فى نفسى لحد مايرجعو بالسلامه...

نملة حبنا ٢

نسيت اقولكم حاجه مهمه عن مميزات النمل بتاعنا الا وهى انه لماح و سريع التعلم

اول ما بدانا نرشه بالميه اتعلم السباحة وبقى بيعوم بريس و باك و كرول و بيتشقلب فى الميه و يطفوا و يصل لشاطىء الامان... قصدى الناحية الناشفه من الحمام بامان!

على قرر يغير استراتيجيات الحرب و يستعمل اسلوبه المميز منذ الصغر... 

هوا طول عمره بيحب الكبريت و كان محرمنى اشترى كبريت لانه بيخلص العلبه فى ثوانى..

بدا على حرب فرديه على النمل...يعنى نمله نمله يولع لكل واحده عود كبريت و يقربه منها.. تقوم النملايه متكوره على نفسها وتحسسه انها خلاص لفظت انفاسها الاخيره و اتفحمت واول ما الكبريت يطفى تقوم جرى و تمارس نشاطها بكل همه و حماس كالعاده... و تطلع لنا لسانها....

لما حرب الميه و النار فشلت معاهم قلنا نجرب الحرب البيولوجية...
وبما أنا اللى مختصة بالتغذية قررت أعمل لهم وصفات مدمرة من اللى الناس بتحطها على النت كل يوم
عملت أبحاث متأنية فى جميع المواقع صديقة البيئة و لو كنت بذلت نص المجهود ده فى ابحاث الترقية بتاعتى كان زمانى اترقيت بجدارة!
المهم بدأت أجرب النصائح الطبيعية الى بيقولوا عليها فعالة
السمسم ...
الخل...
قشر الخيار...
الكلور...
ماسيبتش وصفة الا وعملتها ...
بقيت أدخل المطبخ كل يوم بدل ما أطبخ للعيال اعمل وصفات للنمل ...
آخر وصفة جبتها من موقع أمريكانى و كانت مدعمة بالصور قبل و بعد... زى برنامج جويل بالظبط
خليط من السكر البودرة و طبعا ده عشان تجذب النمل و متلخبط عليه بيكينج صودا و دى اللى مفروض تموته
النمل الأمريكانى المغفل اكل السكر مع الصودا و مات بعد 5 دقايق

النمل المصرى الناصح اكل الخليط و انتعش و تلذذ عادى جدا....
انا مش عارفة هتقولوا عليا ايه لما اعترفلكو انى كل ما أدخل المطبخ بقيت اسمع النمل بينادى عليا بالاسم
ويقولى  كمان...كمان...كمان....
تفتكروا أنا اتجننت؟  ولا النمل بتاعنا هو اللى سوبر؟