Back to the Blog

مش غريبة شوية إن القراء الأحباء يسألوا نورا بدل ما يسألونى أو يبعتولى COMMENTS أو MAIL ليه أنا ما بقيتش بأكتب كل يوم Blog جديده؟
 ويقولولها... إية؟... فين مدونة مامتك؟ ....كل ما نفتح ما نلاقيش حاجة جديدة ليه؟

الظاهر إنكم فعلاً افتكرتوا إن نورا مامتى ووليه أمرى ومحررة المدونة بتاعتى.
 أنا طبعاً لا يمكن أنكر فضل نورا الأمورة فى نجاح المدونة وزيادة  عدد القراء.
طبعاً مش هأعمل زى القطط أكل وأنكر ولازم أعترف لكم إن أول القراء كانوا أصحاب نورا وهم زى العدد فى الليمون.

كل ما كنت أحط post جديد تروح واخده link 
وتحطة على ال wall بتاعها وأنا أدخل أنام أصحى ألاقى عدد القراء زاد 100،200،300 حسب كفاءة الأخت نورا الأمورة وحسب نوع ال Blog وموضوعها.

يعنى أكثر المدونات فى عدد القراء هى كالآتى:ـ

1-موقعة البجع

2-نورا الأمورة

3-القائد على 2

4-شعر على فى رأس على

5-حملة إنقاذ العصافير

أنا مش عارفه لو إنتو، ك Readers بتشوفوا الcounter بتاع الـ Blog والموقع الجغرافى للقراء ولا ده بس خدمة لصاحب البلوج.
لكن الشئ العجيب فعلاً أن فيه كثافة عالية جداً من القراء فى أماكن عجيبة.
 يعنى بعد مصر فيه السعودية وبعدين أمريكا وأجزاء من كندا والإتحاد السوفيتى (هو خلاص إتفكك بس على أيام ما كنت أنا بأدرس جغرافيا كان إسمه كدة). هو دة بالضبط السبب اللى خلانى أبطل كتابه شوية وأشغل نفسى بمحاولة عميقة لفهم موضوع روسيا ده.

يعنى السعودية ok  عندى هناك أصحاب و معارف وأكيد بيعملولى شغل فى ترويج المدونة.

مصر طبعاً أم الدنيا وفيها أصحاب نورا وعلى وعبد الله,,,, أمريكا فيها برده معارف وطالبات من اللى درستهم أستقروا هناك.

لكن أموت وأعرف مين اللى بيقرأ المدونة بتاعتى فى روسيا؟

مش معقول أصلاً حد هناك يكون بيقرأ عربى ومش معقول نورا وصديقاتها يكونوا أثروا فى روسيا وأقنعوا الناس هناك يتعلموا لغة الضاد ويقرأوا لى.

فجأه اللمبة اللى فى دماغى نورت وعملت SCAN  سريع لأصحابنا ومعارفنا القدام..
 لقيت أن الباشمهندس عبد الله – بإعتبار ما سيكون فى خلال سنتين.. ثلاثة.. أربعة – كان عنده صاحب روسى فى أمريكا وغالباً والله أعلم هو Vetaly  الروسى اللى بيقرأ الـ Blog  فى روسيا وهو اللى عطلنى أسبوعين عنها.

شوفوا بأه إنتوا عايزين تعملوا إيه فيه وأنا هأنفذ على طول.

Don't miss the party of the season and all seasons

The twin's sweet sixteen birthday is

Only

Seven days away

Get ready!!!

samples of some great cheeks!!!!

"أم الخدود"

"أم الخدود"

عارفين العيال الصغيرين المكلبظين لما بيكون عندهم كروش صغيور وتنيات فى رجلهم من اللظلظة؟ أنا بموت فى الصنف ده من الكلابيظ الصغيرين وما اقدرش أقاومه ....

أما النوع الألذ والأطعم هو اللى بتكون خدودهم مدلدله وطالعه بره وشهم من التخن. الخدود دى بتعمل حاجة غريبة فيه,,,, بتخلينى أفضل أبوسها – بوسة من اللى بصوت وطرقعة – لحد ما العيال يكرهوا خدودهم.... ويكرهونى.

والحمد لله ربنا ما حرمنيش من أى حاجة فى الدنيا,,,,, كل أولادى كان عندهم خاصية الخدود الملظلظة لحد ما بقى عندهم سنتين ثلاثة وفيهم حد – مش عايزة أقول أسماء – إحتفظ بالخدود والكرش الصغير لحد 10 سنين يعنى ما خلاش فى نفسى أى حاجة.

أما السبق النهاردة مش لعامه الأطفال ذوى الخدود المدلدلة الحمراء. السبق لإثنين فى العيلة واحده منهم بنتى نورا – وأنا حره أتكلم على خدودها زى ما أنا عايزة- و واحده ثانيه مش بنتى بس هى عارفه إنى بأموت فى خدودها برده. نورا كانت أول طفلة فى حياتى أشوف خدودها قبل ما تتولد . والله العظيم مش أفوره.... دى حقيقة وممكن تسألوا الطبية الأمريكية اللى عملت السونار فى عمر أربع شهور حمل وعلقت أن التوأم البنوته has plumy cheeks     يعنى البنت خدودها plumy  زى البرقوق . ولمعلوماتكوا البرقوقة فى أمريكا قد البرتقالة أم صرة بتاعتنا والست كانت معجبة بخدود نونى وهى عمرها 16 أسبوع فى بطنى,  بالذمة ده مش سبق فى عالم الخدود؟

 لكن للأسف البرقوقتين بتوع نورا خسوا وبقوا يادوب مشمشتين وضحت بيهم فى سبيل الرشاقة وعروض الأزياء . أما بالنسبة لأم خدود الثانية وهى عسولة جداً وعارفة نفسها :

 دى مدونه تحذير ليكى .

 إياك تعملى Diet  ،

 إياك تتعاملى مع خدودك بقسوة ،

 إياك أشوف سنتمتر واحد نقص فيهم لإنى ساعتها مش هأرحمك وهأعلن عن صورتك " أم الخدود " القديمة اللى عندى فى المدونه ثانى يوم .

 وقد أعذر من أنذر                                                                        

ملحوظة هامة :

لو إنت ok  مع الصورة " أم الخدود الجديدة " إبعتيها وأنا هأنزلها بكرة . بجد  No kidding  

DON'T MISS THE PARTY OF THE YEARTHE FINAL COUNT DOWN IS HEREONLY 12 DAYS ARE LEFT

بروفيترول حبيبة 2

   بروفيترول حبيبة 2

كل سنة وإنتم طيبين

 رمضان جانا، جانا بسرعة يعنى أنا حاسة ان لايمكن يكون فات سنة كاملة من رمضان اللى فات....

نرجع لموضوعنا....

ألذ وأحلى وأشهى طبق حلو بيتعمل فى عزومة

 النادى هو البروفيترول....

 وبتعمله اللاعبة الأمورة حبيبة من غير مساعدة أى حد لدرجة إنها بقت خبيرة فيه ومصدر ثقة لكل بنوتة نفسها تدخل المطبخ من غير ما تطلع بعاهه مستديمة، أو أكله محرجة تسوء سمعتها المطبخية بقية حياتها.

قولوا ما شاء الله معايا على حبيبه وبروفيترول حبيبة اللى كل الناس بتستناه من السنة للسنة لدرجة أنهم مستنيين رمضان مخصوص علشان ياكلوه تانى وكاتبين على walls بتاعتهم فى face book "البروفيترول على الأبواب" بدل "رمضان على الأبواب !" تصوروا !

هو بس فيه مشكله رخمه حبتين و لازم حبيبة تعرفها و تعمل احتيطاتها السنه دى : فى ناس كتير اشتكوا انهم عمرهم ما داقوا البروفيترول بتاعك يا حبيبة لان فى ناس تانية-برده عارفين نفسهم على أساس إن اللى على راسة بطحة بيحس بيها – بتنسف الكميه كلها فور ظهورها!!

كل سنة وإنتم كلكم بخير وسعاده

والجميع فى أنتظار كرم رمضان ....

وكرم حبيبة الزائد....

يا سلام بأه يا بيبه لو تبعتى شوية بروفيترول مع نورا على البيت يوم العزومة علشان ينوبنى من الحب جانب.... Just kidding

Happy Ramadan to all!!! 


  Don't MISS THE FINAL COUNT DOWN TO THE PARTY OF RAMADAN AND THE YEAR;
ONLY 18 DAYS LEFT TO THE TWIN'S BIRTHDAY.

بروفيترول حبيبة

بروفيترول حبيبة

كل سنة وإنتم طيبين

رمضان كريم... ولازم إحنا كمان نحاول يكون عندنا شويه كرم...
 عشان كده كل سنة فى رمضان كل فريق التنس الجامد جداً جداً جداً جداً بتاع نادى المقاولون العرب (هو يعنى مش فريق بالضبط بس روح المدربين واللاعبين فيه فعلاً أحسن من روح أى فريق رسمى) -ومنهم طبعاً توأمى اللذيذ -بيعملوا فطار جماعى.

كل واحد أو واحدةplayer or coach -- يجيب حاجة وكلهم يفطروا مع بعض فى النادى.
 طبعاً فى ناس كل سنة بتستهبل وتجيب حاجات جاهزة – هم أكيد عارفين نفسهم على أساس إن اللى على راسة بطحة بيحس بيها – وفى ناس تانية غاوية فرهده بتنوع وتعمل صوانى ومحمر ومشمر واللذى منه.

أما الحلويات فحدث ولا حرج. كنافة على بسبوسة وقطايف وحتى ساعات ناس من إياهم بيجيبوا جاتوة أو تورته علشان يخلصوا.
 وبما إن الإعتراف بالحق فضيلة فأنا كمان من اللى بيكروتوا العيال فى الحلويات لأن بينى وبين جميع المعجنات – ما عدا waffles  الى على بيعملها معايا- عداوة شديدة... وتار بايت.

 يعنى لو عملت كيك يطلع ساقط من النص أو محروق من تحت.
 ولو عملت سينابون يطلع عامل زى fossils المتحجرة من ملايين السنيين... وتضربة فى الحيطة يرجع يعورك فى وشك.
 وطبعاً من المنطقى إنى أشترى حلويات جاهزة وخلاص ولا يكلف الله نفساً إلا وسعها.... وبلاش أعمل فضايح للعيال فى النادى قدام إصحابهم ومدربينهم.

أمال إيه العنوان الفظيع ده اللى هيخلى العيال يريلوا وهم صايمين؟

 بكرة أحكى لكم.....

وكل سنة وأنتم بألف خير.....يافريق الكرم و من عجائب الصدف ان كابتن head coach  كريم  .

DON'T MISS THE PARTY OF RAMADAN AND THE WHOLE YEAR;

THE TWIN'S SWEET SIXTEEN BIRTHDAY IS ONLY

18 DAYS AWAY

Sweet little things

Sweet little things

"Tomorrow, tomorrow , I love you tomorrow; you're always a day away!!"

Do you remember those lyrics from the lovely Annie movie as the sweet little girl sings for her dog promising it things will get better tomorrow? Here is the link to remind you:

http://www.youtube.com/watch?v=GZ5DORLwJY0&feature=related

This is the motto I live by; actually all Egyptians do; we are too indulged in the struggles and disappointments of everyday life to feel an ounce of simple joy.

We are used to postponing joy and happiness and well -being to the future.  We have no time for joy; no time for the little sweet things in life that make it bearable, if not happy. Happiness, fulfillment, peace, and even health are "always  a day away", like the little movie heroine promises. Nothing is to be enjoyed today. For us, today is just a passage to tomorrow and the tomorrow we all wait for never comes.

 A heart-felt laugh, a peaceful evening with soft music, a heart-warming conversation with a true friend, a good movie with the family, a hug to a little child, an outing to the park are little sweet things that we miss, things that can change the quality of our life and boost our energy and spirits. 

I remember the time when I lived with my family in the STATES and was amazed at how Americans enjoy their time at no cost at all.  The walk in the park with the kids, the watermelon festivals; the marathons in the early mornings, and my all time favorite activity: strawberry picking are just a few examples.

 When the strawberries are ripe in spring, families are allowed to go into the fields, each person with an empty container to fill it with strawberry and spend great time picking it.  My twins were only seven months old when we took them to the strawberry field with the older kids. That was one of the most fun and enjoyable days we ever had.  The tiny green plants ornamented with fresh red strawberries ready for picking; the children racing to get the largest and reddest fruits, then running to wash and eat them, the lovely photos we took of the twins sitting on the ground and fighting one another to get the bucket full of strawberries. The fun and joy we experienced that day as a family is still remembered by all of us.

 Why cannot we enjoy the tedious days we live by adding a sweet strawberry on top of all what we do. Let's all have fun; let's all enjoy the present moment because it is all we have for now; today counts more.

tomorrow 

 NOTHING WILL BE MORE FUN THAN THE TWINS' SWEET SIXTEEN BIRTHDAY PARTY
!!!! ONLY 19 DAYS LEFT FOR THE BIG DAY

دولاب محمد

بمناسبة صعوبة spelling الكلمات على الأطفال الصغيرين أول ما يتعلموا إنجليزى أنا كان لى صولات وجولات فى هذا الموضوع لأن ما شاء الله ولادى طلعوا روحى فى التعليم.  

كنا بنعمل spelling contests بينهم واللى يقول spelling صح لخمس كلمات متوالية يأخذ جايزة.

وكل ما سنهم يكبر تزيدعدد الكلمات.

وكنا بنشترى حروف بارزة وملونة ونقعد نعمل puzzle الكلمات - حاجه كده زى monopoly- على الأرض واللى يملى الأرض بسرعة ياخذ جايزة :

و لما فقدت الأمل فى  بعض الكلمات الصعبة إبتكرت طريقة لذيذة وماكانتش بتخيب مع العيال،  بس كان لها أثار جانبية مع باباهم.

 ليه؟ وإزاى؟

 أقولكم بكرة

يعنى كنا بنأخذ shaving foam بتاع محمد (وهو مش فى البيت طبعاً) ونلعب بيه شوية ونرش على بعض

 وبعدين تبدأ لعبه spelling ونروح راشين المكتب كله بـ shaving cream لحد ما سطح المكتب يتغطى تماما بالفوم الأبيض الجميل بتاع دقن محمد.

 ونبدأ نقول الكلمة ونشوف مين هيكتبها أسرع وصح على الفوم

أو بمعنى أصح مين هيحفرها ويفرغ الحروف على المكتب

 وبردة يأخذ جايزة.

طبعاً فهمتوا محمد كان بيزعل ليه من spelling contest  

 لأ.... مش بس علشان كان بيجى يحلق يلاقيها فاضية.

أهم من كده علشان الجوايز اللى كنت بأخذها من دولابه أو جيوبه وأديها للعيال لما يكتبوا الكلمة صح   زادت عن اللزوم.

بصراحة هو عنده حق بس الحمد لله مستوى spelling  إتحسن كثير فى البيت والفضل كله يرجع لبابا.

يارب خلية وقوية على هبلنا كلنا خصوصاً الأيام دى لما على وعبد الله كبروا والموضوع تخطىshaving cream  ودخل على ماكينة الحلاقة بتاعته    والبارفانات   والكارفتات  

 وساعات المحفظة الجميلة بتاعته اللى دا يما  تنقذنا لما مصروف البيت يخلص فجأه وبدون مقدمات يوم 5 فى الشهر! 

Don't miss sweet sixteen party of the year

 Count Down to the big day!!

Only 22 days left!!

Count down 25

Only 25 days remaining for the big day!!!! Sweet sixteen!!!! Don,t miss it!!!!!

Surprise Parties Count Down!!

بما إنى محاطة بالشباب والمراهقين من جميع الجهات فأنا على دراية تامة بكل أساليب الألش و أحدث أماكن الترفية وكيفية عمل   Surprise Parties بحيث يكون الشخص اللى هيتفاجئ عارف كل حاجه من أول لحظه ومحدد المكان وعامل نفسه اهبل ويروح فى الميعاد زى الأطرش فى الزفه.

بجد العيال بتوع الأيام دى جامدين جداً وبيخلونى أزعل على أيام طفولتى وشبابى لما كنا كلنا سد ج وههبل فعلاً مش بنمثل زيهم.

زمان كنا نفرح جداً لو حد اصلاً إفتكر عيد ميلادنا. "حد" هنا معناها ماما وبابا والعليه لما يفتكروا ويجيبوا تورتايه لذيدة ولعبه أو جزمه جديدة . . .  كان اللى بتعمل له كده يبقى فى منتهى السعادة والزهو والإمتنان.

فين أيام زمان ياناس أيام القناعه ... دلوقتى العيل من دول ناشر تاريخ ميلاده وتاريخ حياته كلها بالصور والوثائق على face book وكل البرامج عامله Reminders لكل ال contacts  بتوعه لحسن حد ينسى يوم الفتح العظيم اللى هو او هيه اتولدوا فيه!!

والأهالى كمان بقوا بيخافوا من العيال وتبقى سنه سوداء عليهم لو طنشوا حفله عيد الميلاد. طنشوا مش معناها نسيوا يحضروا الحفله لا سمح الله . هم اصلاً مفروض يخلوا عندهم دم ومايظهروش فى المناسبه ديه خالص ويخلوا الطابق مستور.

أنا قصدى لو إستجروا وطنشوا يمولوا الحفله يعنى يحجزوا المكان بالشىء الفلانى وياسلام بقأه لو قدروا كمان يشيلوا ال minimum charge  للمعازيم الحلوين.

وبما إن مش كل الأهالى عندهم "معارف" مهمين ومتوغلين فى كل ال cafes و ال Restraunts معظم الأهالى الغلابه بيضطروا يدفعوا ال  minimum لو كان العدد معقول ومش فى الليمون زى اعياد ميلاد توامى اللذيذ.

قصدى إيه من الكلام ده؟

ولا حاجه قصدى شريف ومشروع وعبيط. أنا مش قصدى طبعاً إن كل القراء الأعزاء الشباب والمراهقين والشيوخ والامهات يعملوا حسابهم إن عيد ميلاد نورا وعلى قرب ولا حاجه. وقد أعذر من أنذر

يعنى أنا طول السنه بأوصل أعياد ميلاد وأحجز كافيهات وأشترى هدايا لأن عندى واحده وأخوها شغالين party planners عمال على بطال للأصحاب وأصحاب الأصحاب. وكل سنه وإنتم كلكم طيبين ومتدلعين زىى مع عيالكم!!!

المهم المناسبات المفترجه ديه ماتعديش من غير إحتفال.

ملحوظه: إحنا فعلاً فى ايام مفترجه وكل شعبان وإنتم طيبين.

Only 27 days left to the big event!

No, Not to Ramadan!!!

The Twins' Birthday is only 27 days away!

So get ready for the party of the season: Sweet Sixteen!!!!

التجربة النرويجية ,,,,تانى

التجربة النرويجية.... تانى

ولادى بجد عندهم obsession  أو ولع بالكلاب. الموضوع ده بدأ مع عبد الله وهو صغير جدا لما كان فى أمريكا وكل الأسر بدون مبالغة عندهم كلاب. طبعا الكلاب المحظوظة الأمريكانى لازم تتمشى كل يوم وكنا كل يوم نأخذ عبد الله الـ park  - وهى حديقة كبيرة موجودة فى كل حى زى نادى فيه كل الإمكانيات, يعنى ألعاب أطفال وممشى وكل حاجة بس ببلاش مش زى نوادينا اللى الاشتراك فيها فلكى والكارنية مقدس.

المهم كان عبد الله كل يوم ينزل يلعب و بالمرة يراقب الكلاب ويصاحبها ويلعب معاها وهى بتتمشى. طبعا من يومها وهو هيموت على كلب بس طبعا ينسى : ولا عندنا مكان ولا أستعداد للكلاب والحمد لله اننا عارفين نربى العيال نفسهم.

 طبعا على ونورا وارثين حب الكلاب من عبد الله والزن على شراء كلب شغال فى بيتنا 24ساعة كل يوم من يوم ما بدأوا يتكلموا.

وألذ حاجة إن كل واحد منهم عايز نوع معين :نورا طبعا عايزة كلب شقى ولذيذ cute  وأمور وهو Golden Retriever  , أما على عايز كلب عظيم ونادر وعامل زى الحصان وهو Great Dane  والبحث مستمر والزن مستمر على الكلاب ولا حياه لمن تنادى.

الموضوع بقة كبر فجأة لما عبد الله سافر للترويج وبدأ كل يوم يحكى لهم على أنواع جديدة للكلاب شافها هناك وبقى عندنا حاله هيسترية منهم. قال إيه عندهم كلاب هو أصلا مكانش عارف إنها "موجودة فى الحياة" والله ده نص كلامه

I did not know such beautiful rare dogs exist in this world

طبعا التوأم يسمعوا الكلام ده ويتجننوا ويجننونى معاهم.

المهم أنا قلت ألاعبهم زى ما بيزنوا عليا وقلت لهم لو إتفقتوا على نوع واحد من الكلاب إنتو الثلاثة هنشتريه. وكلى أمل فى كلاب الترويج العظيمة اللى كل يوم بنكتشف نوع جديد فيها  وإن شاء الله ولادى عمرهم ما هيتفقوا على كلب واحد...... إدعوا معايا. 

التجربة النرويجية

التجربة النرويجية

أزراااااق وأخضاااار وشفااااااف وأحمااااار وأصفاااااااااااار

·       أيه ياعبد الله مالك مبهور بالألوان كده كأن عمرك ما شفت حاجة ملونه ؟

·       يا ماما دى مش ألوان زى اللى عندنا دى حاجة تانية خااااااااالص .

·       إزاى يعنى أزرق غير لون السماء بتاعنا وأخضر غير لون الزرع بتاعنا ؟

والله أنا نفسى مكسوفة وأنا بقولة " أخضر زى الزرع بتاعنا " ومتوقعة إنه مش هيقدر يمسك لسانه ويقولى " إيه ياماما إحنا هنحور على بعض هو إحنا أصلاً عندنا زرع  ولا السماء بتاعتنا لونها أزرق ، ده كل حاجة فى مصر بقى لونها ترابى"

 بس الحمد لله الولد مؤدب ومقالش كده ومحبش يحرجنى وأنا بأدافع بإستماتة عن مصر الجميلة فى مباراتها ضد النرويج الوحشة .

طبعا ً هو شاب ولازم ينبهر بالبلد الجديدة بس أنا متغاظة منه وهو عمال كل يوم يقول فى قصائد شعر عن جمال الطبيعة النرويجية .

أول يوم كان نازل من الطيارة الساعة 11.30 مساءاً وكان هيجيلة سكته لما لقى الشمس لسه طالعة عندهم فى أوسلو !!

طبعاً النرويج فى القطب الشمالى تقريباً ودى فترة تواجد الشمس عندهم مدة 20 ساعة تقريباً فى اليوم.

يلا بكرة نشوفك ياعبدالله وإنت فرحان بالشمس فى رمضان لما هتصوم لحد الساعة 12 مساءاً ومش هتلحق تتسحر لإن الفجر هيدن على طول وبكرة تعرف قيمة مصر فى رمضان وهى مزهزهة طول الليل ونايمة طول النهار .

ناس قاعدين جنبى و انا بكتب علقوا وقالوا أما إنت أم شريرة بجد ، إنتى فعلاً فرحانة فى الواد الغلبان لإن هيضطر يصوم 20ساعة ؟ إمال فين حنان الأمومة والحاجات الغريبة بتاعة الأمهات المصريات ؟

أنا فعلاً  واحشنى عبد الورد موووووووووووت – وعلى فكرة هناك أصلاً مش عارفين ينطقوا إسمه وبيقولوا عليه " دولا "

تخيلوا مهندس طول بعرض ماشاء الله عليه وإسمه دولا ؟

بالذمة مش كان قعد جنبنا هنا فى الصيف ياخدله ضربه شمس أو حبه صهد بدل الشمس الباردة الناعمة بتاعه الترويج؟

إيه يعنى السماء زرقااااا بجد

 وإيه يعنى المبانى كلها غرقانة فى بحر من الخضره والورد,

 وإيه يعنى الناس حلوين زى القمر لدرجة إنه حاسس إنه عايش فى "معرض بنى آدميين" ؟

بذمتكوا مش ده معناه إنه مش حاسس إنهم بنى آدميين بجد؟ كإنهم تماثيل فى معرض وخلاص.

إيه يعنى الشوارع نظيفة كأنهم غسلينها حالا وراشين عليها كولونيا؟

لأ وكمان فاضية وفيها lane  مخصوص للعجل وكل الشعب بيتريض.

إيه يعنى كل corner   بدل كشك السجاير عندنا و الشباب الي بيعاكسوا -قاعد فيه شويه فنانين, اللى بيعزف ساكىس ,واللى بيعزف جيتار ,واللى بيرسم واللى بيعمل ألعاب سحرية- إيه يعنى كل ده؟

ما هى مصر بردة مليانه فنانين مغمورين مش لاقين ياكلوا ولايشتروا أدوات الموسيقى، وفيها ناس راكبه عجل و تك تك فى وسط العربيات المتوحشة, وفيها حاجات لايمكن تكون موجودة عندهم فى النرويج.

 يبقى بالذمة مين أحلى؟

 أدينى كل يوم بأكلم عبد الله وأحاول أفهمة إن مصر برده أم الدنيا وإذا كان هم عندهم Rowing و Hiking فإحنا عندنا تك تك و kora sharab  وما حدش أحسن من حد.

يارب ترجعلى يا عبد الله بالسلامة وتبدأ تطبق التجربة النرويجية عندنا وما تنساش إن هم عندهم 9شهور ظلام تام وإكتئاب من قله نور ربنا.

بجد حلاوة شمسنا

وتحيا مصر

دولاب الحكايات 3

دولاب الحكايات 3

طبعاً جاتلى إجابات كثيره جداً.

 واحد ذكى ونبيه جداً قالى إن اكيد نورا وعلى كانوا إتخطفوا

والثانى قال: اكيد يا طنط إنت" بتحورى" علينا (مؤدب جداً)

والثالث أذكى إخواته قال: طبعاً كل القصه ديه خياليه لإن لو ده حصل كان إنت ممكن تروحى فيها. وكان زماننا مرتاحين من الblog بتاعتك. (مؤدب جداً جداً جداً جداً)

طبعاً كلكوا غلب حماركوا .... لكن انا لا.

بما إن كان عندى سوابق كثير من إختفاء احد التوأمين ، مرة فى الثلاجة ومره فى فرن البتوجاز ، رحت افتح كل حاجه مقفوله فى البيت لحد ما لقيتهم.

يعنى فتحت دواليب المطبخ

 ودواليب الحمام

 والثلاجه والغساله والمجفف

 واخر حاجه توقعتها كان نفس ذات الدولاب اللى كنت واقفه من الصبح بارتب فيه!!  هو دة   !!  our friend Dina was the only one who guessed right and i thank her very much.
 الإثنين الحلوين كانوا قاعدين جوه دولاب التعليق وبما ان الهدوم كانت طويله وواصله  لأرضيه الدولاب كانوا مش باينين.

السؤال اللى محيرنى لحد دلوقتى هم ازاى قعدوا المده ديه من غير أى صوت مع إنى دايماً بأفشل إنى أسكتهم لمدة دقيقه فى اليوم؟

Don't miss the photo i took of them after the incident:

the twins after i found them:!!!!

دولاب الحكايات 2

دولاب الحكايات 2

يدوب رجعت الأوضه بالهدوم المكوية على الشماعات ولقيت العيال إختفوا هم الإثنين. آه والله العظيم مالهمش أثر فى أوضتى.

رميت الهدوم على السرير وجريت أشوفهم فين.

 فص ملح وداب .

 على بخ

ونورا بخ .

 إنتوا متخيلين أم ممكن يحصل لها إيه لو تاه منها عيل واحد. أنا بقى تاه منى إثنين فى نفس ذات اللحظه وفين؟  فى نفس ذات البيت.

 أم عبقرية صح ؟

أول حاجه فتحت باب الشقه ليكونوا خرجوا وانا بكلم عبد الرحمن. ماهم كانوا لسه قزعه ومش باينين من الأرض.

الواد عبد الرحمن كان لسه واقف يرن جرس الجيران بإفتراه  لأنهم لسه مافتحوش.( الظاهر إنه متعقد من العمارة كلها مش احنا بس).

-شفت نورا وعلى يا عبد الرحمن؟ هم خرجوا قدامك لما رحت اجيب الفلوس؟

الواد بصلى من فوق لتحت وماردش عليا !!

طبعاً أنا عارفه انه كان بيحسبن عليا ويقول والله الست دى مجنونه اكيد.

قفلت الباب وقلت يمكن يكونوا دخلوا البلكونه يحدفوا شويه هدوم ولا حاجه.

طبعاً لا لإنى كنت إتعلمت من عمايلهم القديمة وبقيت أقفل البلكونه بالقفل.

يانهار إسود انتوا فين يا عيال؟

يا على يا علوش إنت فين؟

تعالى خد lollipop  وشيبسى

يا نورا يا أموره ردى على مامى.

تعالوا خدوا شكولا و"بنبون" على راى عمو شفيق.

ولا حياة لمن تنادى. مش موجودين فى أوضتهم ولا الليفنج ولا اى حته.

قلت ارجع ادور فى الهدوم اللى على الأرض أو اللى على السرير لحسن يكونوا بيلعبوا    Hide & seek  تحت الأنقاض.

برده لا .... مش تحت الهدوم ومش بيردوا عليا.

ياترى كانوا فين؟ 

لو حد فيكوا عرف يخمن يبقى هو اذكى القراء وهأكتب له بكره blog شكر وتقدير

 ويمكن أتهور وأديه هدية.

مستنيه ردكو وتخميناتكوا على e-mail

abeerxx66@yahoo.com