فيلم هندى
فيلم هندي
الحل الوحيد لمشكلة كل يوم
لما بنخلص شغل و نحب نقعد قدام التلفزيون شويه
نقلب في القنوات ونلاقى كوكتيل مركز من الاحباط
مظاهرات و انسدادات المرور
حوادث سكك حديد
دم و دمار
خناقات الدستور
ناس بتشتم في برامج
وناس بتتهم بعض
وحرايق و تخريب في الجامعات
يعنى حاجة تغم
مش عارفين نخرج من الاكتئاب المزمن الى بقاله معانا كتير
اخيرا لقيت حل...لا مش حل بس مسكن قوى
قناة Bollywood
فيلم هندى...او جزء من فيلم هندى كل يوم يساعدنا نفصل تماما عن الواقع المر
ليه هندى ؟ ليه مش عربى او امريكانى؟
لان كل فيلم هندى فيه حاجات مبهجه
مناظرجميله
اغانى لذيذة
رقصات مبهره
ضحك من القلب
تفاؤل رغم كل شئ
حاجات افتقدناها في حياتنا و في تلفزيوناتنا
حاجات بسيطه بس خلاص مش قادرين نعملها من غير مساعدة الهند
شوفتوا الهنا الى احنا فيه!
ليست هناك تعليقات:
إرسال تعليق