عاهات و تقاليد
إنسانة خمسينية خايفه
خايفه لتضحك تهد السور
خايفه لتفرح يحصل المحظور
خايفه لتلبس و تتزوق و تهزم الاكتئاب
يقولوا دى اتجننت و هتروق
و هتشوف نفسها بعد ما شابت
و طلعت شباب و عرايس و لسه عايزه تتعاجب
خايفه لتضحك تهد السور
خايفه لتفرح يحصل المحظور
خايفه لتلبس و تتزوق و تهزم الاكتئاب
يقولوا دى اتجننت و هتروق
و هتشوف نفسها بعد ما شابت
و طلعت شباب و عرايس و لسه عايزه تتعاجب
كنست و غسلت و طبخت و ذاكرت للعيال
وليل ونهار عنيها عليهم و دايما ماسكالهم المنوال
لحد يحيد ولا ينحرف و يميل
يعيطوا تحضن، يتجننوا تعقّل
وكان فاضل عليها بس تضرب المندل
بتراضى ده و تدادى ديه و دايما هى إللى بتتلام
ابنك ده فاشل ياهانم ، لكن ابنى أنا اللى تمام!
يوم ماينجحوا تزغرد و يوم ما يحزنوا تعيط
وتودى لدكاتره وتطبب وتقف ع الحوض لحد الفجر وتشطب
قال لسه عايزه تعيش و تهزم الاكتئاب!
بقى بعد ما نربى ونبنى و نتعب ينفع يعنى نتهايف؟
وليل ونهار عنيها عليهم و دايما ماسكالهم المنوال
لحد يحيد ولا ينحرف و يميل
يعيطوا تحضن، يتجننوا تعقّل
وكان فاضل عليها بس تضرب المندل
بتراضى ده و تدادى ديه و دايما هى إللى بتتلام
ابنك ده فاشل ياهانم ، لكن ابنى أنا اللى تمام!
يوم ماينجحوا تزغرد و يوم ما يحزنوا تعيط
وتودى لدكاتره وتطبب وتقف ع الحوض لحد الفجر وتشطب
قال لسه عايزه تعيش و تهزم الاكتئاب!
بقى بعد ما نربى ونبنى و نتعب ينفع يعنى نتهايف؟
هيجرى ايه للدنيا لو نسيب الست تتنفس
ده الشعر شاب و جلد الوش انه اتكرمش
عايزنها ليه تبقى بقية العمر مسجونة؟
بعد ما ضيعت شبابها كله فى طاحونة
قال ايه تقاليد و لازم ع الرقاب تمشى
لناس ماتت و شبعت موت و مش عايزه الحياه تمشى!
ده الشعر شاب و جلد الوش انه اتكرمش
عايزنها ليه تبقى بقية العمر مسجونة؟
بعد ما ضيعت شبابها كله فى طاحونة
قال ايه تقاليد و لازم ع الرقاب تمشى
لناس ماتت و شبعت موت و مش عايزه الحياه تمشى!
ليست هناك تعليقات:
إرسال تعليق