البنات البنات
فاكرين أغنية سعاد حسني ؟
البنات البنات
الطف الكائنات
أغنية لذيذة جدا وطول عمري بحبها
لكن عرفت معناها أكتر لما جبت نوني )
الشهيرة بـ نورا الامورة)
و زي ماقولتلكوا قبل كده في تدوينة قديمة
ساعات أحس إنها هي أمي.
لا ياريت متفهمونيش غلط….
هي مش اروبا ولا عاملة زي البنات اللي تحسسك إنها مدام سوسة و تتصرف زي واحدة كبيرة..
بالعكس…
دي نوني بنوتة قطة
و طيوبة و يصعب عليها أي حد تعبان أو غلبان
و ممكن تمشي توزع مصروفها كله في إشارات المرور .
تخيلوا بقى ممكن تعمل أية لما تحس إن ماما تعبانة؟
طبعا تفضل تبوس و
تحضن فيا لحد ما ازهق و اقولها ارحميني الله يكرمك!
طبعا بهزر أنا عمري ما ازهق
منها أبدا
بس بصراحة بسوتها غريبة و بـتلزق و
تعمل
صوت رخم....
أما الحضن بيكون جامد قوي و بيوجع جسمي أكتر!!
بلاش هزار بقى...
نتكلم جد شوية....
فعلا نووني حبيبتي أحسن حاجة حصلت في
حياتي كلها
طبعا هي و علي.... بس هو مش بيحب اني أتكلم عليه
ولازم أخد
منه إذن كتابي قبل ما أجيب سيرته في أي مدونة.
لكن نوني بتزعل لو كتبت عن
أي حد غيرها .
شوفتي يا نورا
.... اديني باكتب تدوينه كامله عشان ساندويش الجبنة الرومي اللي عملتيه الصبح وانا مستعجلة.
لسة كمان تدوينة تانية عشان الخيارة و كباية الشاي
ربنا يخليكي لية يا نوني و يحفظك و
يحميكي.
قولوا أمين !!
ملحوظه هامة:
على فكرة نفسك حلو في كباية الشاي اللي بتعمليها لي
أحلى كباية شاي بشربها كل يوم.
مبسوطه كده… ولا أكتب كمان عن المكرونة بالصوص الاحمر المخصوص بتاعك؟
ياريت نعرف حكاية الصوص المخصوص بتاع نورا. سلامتك يا طنط والله المدونة جميلة بجد بس حضرتك مبقتيش تكتبي كتير زي زمان أنا كل فترة أفتح الاقي مفيش جديد و فرحت لما لقيتك كاتبة عن نورا
ردحذف)hehe=D dana keda kol yoom ha3melek el3'ada b2a :P <3 (nora
ردحذف