Abdalla's adventures in China :الكتكوت
الغرقان
-
ايه ده يا عبد الله؟ ايه اللى
حصلك؟ انت ما جيتش على جو شنغهاى؟ ما انت كنت كويس فى بكين!
-
انا نزلت المترو والجو جميل والناس لابسه نضارات
الشمس المتينه... و طالع من الناحيه الثانيه لقيت بحيرات و انهار... والشعب الصينى
كله فاتح الشمسيات و ماشى عادى خالص و لا كان السما بتحدف جرادل ميه وصوت الرعد
مجلجل!!
-
وانتا
ايه الى نزلك المترو وليه ماخدتش الشمسيه بتاعتك و انتا نازل ؟
-
ايه يا على و سع سيبه
يدخل الحمام يغير ده بيشر ميه!
-
هو لازم يعنى يتفزلك و ينزل يدور على الجامع و
يعملى صلاةًالجماعه فى بلاد البوذيين دول؟ الحمد لله انى ما روحتش معاه!
-
هو انا اصلاً لقيت الجامع.... انا يدوب خرجت من
الtunnel
راح الشبشب عايم فى الميه وجارى منى و فضلت اجرى وراه لما اتهد حيلى واول ما قفشته
رحت نازل المترو تانى وراجع الفندق.
انا الوحيد الى كان
شكلى مسخرة و غرقان ميه و كل المترو ناس ناشفة...
-
هاهاهاها....يا اخي انا مش عارفه الشعب ده بيطلع
الشمسيات منين؟
-
-
اه عندك حق الواحد يبقى ماشى فى امان الله و
فجاه يلاقى الشماسى اتفتحت فى نفس الحظه
اللى المطر بدا ينزل.
-
شعب اتوماتيك ياعم
-
ولا اتوماتيك ولا حاجه. هما بس منظمين و عاملين
حساب كل حاجه
بس برده عندهم غلطه
هندسيه فظيعه
-
ارحمناااااااااا ياعم المهندس
وراح على قايم بسرعه عشان ما يسمعش
محاضرة عبدالله في الهندسه المدنيه و فن بلاعات صرف المطر بتاعة النرويج .
بجد على عنده حق. الواد المهندس عبد
الله هارينا حكايات عن الهندسه و المعمار من ساعة ما رجع من اوروبا واكيد لسه
هيكمل علينا بعد ما نرجع من الصين خصوصا بعد انبهاره بناطحات السحاب فى شنغاهاى.
ربنا يستر و عمار يا مصر. اول ما
المطر ينزل فيكى... كل المواصلات تقف و كلنا نمارس هوايه التزحلق على الطين!!!
Sent from my iPad
ha ha h, we need to see photos of abdalla el a mablool
ردحذف