نورا الامورة

 

-         "إمسكى دة يا ماما"

-         "إيه الشوشة دى ؟"

-         "ذيل حصانى ، إمسكيه عشان أعرف أنام"

-         "طيب هاتى بس إهمدى بأه ونامى"

-         أنا عارفة هى عايزة حضنى. 
هى دى نورا بنوتى بس ساعات أحس إنها أمى.
 عسولة بجد من وهى صغيرة بتستجدى البوسة... كانت تفضل تحط خدها على بقى عشان أبوسة.
 لذيدة موت، كانت كلبوظة وحلوة خدودها طالعين برة شبرين
 ولما حد يسألها اسمك ايه تقول " نورا الأمورة ",,, أنا علمتها كده وهى فعلا ً كده.
 طول عمرها بتفرك قبل النوم وتغير مكانها 100 مره
مرة تنام فى سريرى...
 ومره على كنبه الليفينج...
 ومرة لاقينها نايمه على دواسة الحمام... آه والله ...وشلتها على سريرها قبل ماحد يدوس عليها و يفعصها.
 دلوقتى بتيجى تنام جنبى علشان تبعد عن أختها " الحبوبة " الكبيرة اللى مطفشانا كلنا من حياتنا.
لكن نونى ..لذيذه... وطيبة و حنونه 
 بس ذيل الحصا ن برده لسه  ببيقع من إيدى من كثر ما بتتقلب فى السرير....
 وآهى نامت وانا اللى صحيت .

-         اللهم إهدى قلبى وأرح عينى . آمين

                   

                                                                                                        أم المراهقين

Abeerxx66@yahoo.com