النصر العظيم
The Avengers 1
يلا نحتفل بالنصر العظيم اللى وصلناله السنه دى !!
لأ طبعاً أنا مش بأتكلم مع الناصر صلاح الدين ولا " النصر " بتاعنا هو فتح عكا أو أسترجاع القدس .
بس والله العظيم نجاح التوأم فى أولى ثانوى لا يقل عندى من هذه الانتصارات العظيمة بجد . خصوصا ً بعدما شفت بعنية كشوف الملاحق والسقوط العامرة بالأسامى الكثيره . المهم قررنا ندخل سينما الأول ونقضى يوم ظريف وإن شاء الله ماحد حوش حتى لو إنتهى بجولة شراء مجنونة وخلصنا مصروف الشهر . أمال ايه.. ده نجاح نورا وعلى مش أى حد من العيال اللى بتنجح عادى .
ذوقيا ً قلت لهم إختاروا إنتم الفيلم وأنا معاكم . هم طبعا ً عارفين إنى بأتفرج يدوب على كوميدى أو رومانسى وأعصابى ما تتحملش أى Action وأنى حتى بتوتر من الأكشن المصرى بتاع أحمد السقا أو أحمد عز مع إنه أكشن تعبان .
ذوقيا ً قلت لهم إختاروا إنتم الفيلم وأنا معاكم . هم طبعا ً عارفين إنى بأتفرج يدوب على كوميدى أو رومانسى وأعصابى ما تتحملش أى Action وأنى حتى بتوتر من الأكشن المصرى بتاع أحمد السقا أو أحمد عز مع إنه أكشن تعبان .
المهم إختاروا The Avengers وكمان 3D تخيلوا النصاحة !!
يعنى جابوالى فيلم فيه بدل السوير هيرو الواحد خمسة سته وكله ضرب ورقع ورصاص ومراكب فضاء وكائنات عجيبة بتنط فى وشك طول ما إنت بتتفرج .
طبعا ً Stark و Halk و Mr. America وكمان البت باتريشيا و Thor قاعدين طول الفيلم يعضوا فى بعض لحد ما إتفقوا يوحدوا الجهود ضد الشرير Luky وجيش الأستورى الفولاذى ذو الكائنات الحديدية الديناصورية الطائرة .
الفيلم طبعا ً تحفة بس أنا مش قده خالص . أنا واحده أعصابى ملتهبة من غير حاجة وأى suspense بيوترنى ويشنج عضلاتى فما بالك بكل الـ Super heroes دول نازلين تكسير وتحطيم وعجن وطحن فى بعض وفى الحاجات الثانية .
وألذ حاجة إن انا حاسة فعلا ً إنى جوة الحرب ديه وإن ممكن أى حاجة ترشق فيه أو تلبس فى النظارة 3D المنحوسة بتاعة الفيلم .
Let's finish the story tomorrow!!
ام مصرية حائرة
ليست هناك تعليقات:
إرسال تعليق