مهندس بالفطرة

مهندس بالفطرة

كان عنده 7 سنين وهما عندهم 3 وكان مسيطر عليهم تماما ً .

يعنى يأكل يأكلوا  .  ينام  يناموا  . يقرأ يقروا

يتفرج على lion king  The500  مرة يتفرجوا معاه

وكان لذيذ بينصب عليهم ويعمل لهم طيارات ورق من الكراريس القديمة ويبيعها لهم وهم يأخذوا منى الفلوس وكنت مستعدة أدفع آخر مليم معايا ما دام عبد الله مقعدهم جنبة وملهيين بحاجة مش مضرة وسايبينى فى حالى أعمل أى حاجة مفيدة .

 لكن تأتى الرياح بما لا تشتهى السفن وتطلع جارتنا اللى تحت زعلانة ومقهورة علشان العيال بيرموا عليها زبالة .

حاولت أستخدم خيالى وأقنعها إن ده ورق فاضى هم متخيلين انة طيارات وصواريخ ومافيش اى حد قصدة يضايقها.

لكن أبدأ

كانت ذكيه حبتين وراسها والف شاكوش إنى بأخلى العيال يرموا الزباله عندها.

الله يسامحها خلتنى دخلت عبد الله و التوأم وقعدت أنا اعملهم طيارات و أبوهم يدفع ثمنها برضه لعبد الله!!!

و عبد الله  من  يومها حاسس انة مهندس بالفطرة

وهو فعلا مهندس بالفطرة