عبقرية عواطتشف
الله يمسيكى بالخير ياعواطتشف كانت غير ام شريف خالص
كانت يتشتغل وهى لابسه عدسات ملونه بتقول عليها لمزز يعنى "lenses" لو بتعرفوا انجليزى وعمرها ما كسرت كباية او طبق
هى يا دوب خلعت باب الميكرويف مرة
وقطعت خرطوم المكنسه مرة ثانيه
واخر مرة قبل ما تمشى على طول عملت إبتكار عبقرى فى عالم التنظيف المنزلى .
-النهارده عايزين نلمع كويس ياعواطف عندنا عيد ميلاد نورا وعلى وفى ضيوف كثير.
-بس كده !!! دول حبايبى وبكرة يشيلوا حته تورته للعيال ولادى
-طبعاً أكيد.
يدوب دخلت المطبخ وحصلت الكارثه
سيادتها طلعت فوق السفره بشحمها ولحمها وخفه دمها قال إيه علشان تلمع النجفه.
هوب,,,,,,,, قزاز السفرة اتدشدش تحت رجلها
وهى إتشعلقت فى النجفه علشان ما تتعورش وراحت شداها ونازلين هم الاتنين على الترابيزة
قصدى اللى كانت فى يوم من الايام ترابيزة السفره
باظ عيد الميلاد!!!!!!!
ليست هناك تعليقات:
إرسال تعليق