مشروع القراءه للعيال

مشروع القراءه للعيال

بلا فخر

انا أكثر واحده قرت كتب أطفال فى مصر والعالم العربى

لأ بجد فعلاص قريت كل كتب وقصص الأطفال بالعربى والانجليزى

لأ مش لإنى عيله يا قلبل الأدب إنت وهى.

لأن عندى ما شاء الله لا قوه إلا بالله اربع عيال. كانوا عيال وكنت باستمتع معاهم بقصه قبل النوم ,وقصه الصبح, وساعات قصه قبل الغداء ,وكتاب بعد العشاء

 وكانوا بيفرحوا جداً

 كنت عايشه فى دور المثقفه ومتخيلة إنى لما أقرأ لاولادى وهم ضغيرين باعلمهم يقروا وهم كبار

طبعاً عشم إبليس

اول ما تعلموا القراءة ودخلوا المدرسة كرهوا الكتب وبقوا يتفرجوا على الصور وبس.

طيب أعمل إيه ؟ اشتريت مجلات ومجلدات و comic books وكل الللى نفسك فيه.

ولا حياة لمن تنادى

هى ليله الإمتحان ممكن نفتح الكتب الخارجيه وكان الله بالسر عليم.

إنتو فاكرنى هاستسلم واسيب العيال جهله.

أبدا ما ابقاش ام المراهقين

 قلت ابدأ مشروع "القراءه للعيال" ما هى ماما سوزان يعنى مش احسن منى ولا حاجه

وإن كانت هى مامتنا كلنا فانا مامة نورا وعلى

تخيلوا ...نجحت الفكرة

بدرجه 100%

هم دلوقتى بيقروا

وانتم كمان

يعنى مشروع القراءة بتاعى نجح

ضحكت عليكوا,,, وخليتكوا تقروا,,,,, انتوا واصحابكوا

اديكوا بتقروا  ال  blog بتاعتى!!!