مغامرات ريا وسكينه 2
المكان : بيت العائله العامر ابو سقف عالى وصالة كبيرة يرمح فيها الخيل – مش زى شقق الأيام دى اللى زى علب السردين .
أبطال القصة : موزة ولوزة وإخواتهم الصبيان اللى أصغر منهم . مش عايزة أحسبهم علشان حرام نسوأ سمعتهم وهم شباب زى الورد و كل واحد منهم مفتول العضلات ومش هيتصور اللى كان بيحصلة من موزة ولوزة زمان .
شهود العيان : الأمهات والعمات .
بلاش الأباء بردة علشان الـ prestige ما يبوظشى .
الأحداث : الولد الصغير لسه بيبى وماماته مقعداه فى العربية وكل شوية تأخذة معاها من المطبخ للصالة لإنها خايفة عليه من بأقى العيال
طبعا ً عندها حق ونص ما هو اللى يسيب بيبى فى وسط الوحوش يبقى عبيط .
وهذا إعتراف منى بذلك
رحت أجيب حاجة من غرفة النوم وأنا مطمنة إن فى ناس كبيرة فى الصالة مع العيال والبيبى نايم فى العربية بلاش أزقة جوه ليصحى خلية نايم فى الصالة .
ياريتنى كنت صحيته ياريتنى كنت أخذته فى العربية
ياريتنى حتى كنت أخذت معايا موزة ولوزة جوه لحد ما أرجع .
بس هنقول إيه ؟ مقدر ومكتوب .
أنا طبعا ً ما لحقتش أشوف الموقعة كاملة لكن شهود العيان حكوا لى . وهم نفسهم حتى مش فاهمين إزاى ده حصل .
الأول موزة ولوزة راحوا وقفوا جنب عربية البيبى بهدوء ولما عمتهم قالت تعالوا بعيد علشان ما يصحاش قالولها ما تخافيش يا مجوده إحنا واقفين ساكتين أصلة بيضحك وامور وهو نايم وإحنا بنبص عليه بس .
الله يرحمها صدقتهم وكان عندها حسن نية وحسن ظن بكل الناس فما بالك بالمفاعيص الصغيرين الأمامير موزة ولوزة ؟ هى قامت تقفل البلكونة وراجعة لقيت حاجة بتطير وتنزل فى إيدها .
ياترى إيه ؟ بكرة نكمل
abeerxx66@yahoo.com
المكان : بيت العائله العامر ابو سقف عالى وصالة كبيرة يرمح فيها الخيل – مش زى شقق الأيام دى اللى زى علب السردين .
أبطال القصة : موزة ولوزة وإخواتهم الصبيان اللى أصغر منهم . مش عايزة أحسبهم علشان حرام نسوأ سمعتهم وهم شباب زى الورد و كل واحد منهم مفتول العضلات ومش هيتصور اللى كان بيحصلة من موزة ولوزة زمان .
شهود العيان : الأمهات والعمات .
بلاش الأباء بردة علشان الـ prestige ما يبوظشى .
الأحداث : الولد الصغير لسه بيبى وماماته مقعداه فى العربية وكل شوية تأخذة معاها من المطبخ للصالة لإنها خايفة عليه من بأقى العيال
طبعا ً عندها حق ونص ما هو اللى يسيب بيبى فى وسط الوحوش يبقى عبيط .
وهذا إعتراف منى بذلك
رحت أجيب حاجة من غرفة النوم وأنا مطمنة إن فى ناس كبيرة فى الصالة مع العيال والبيبى نايم فى العربية بلاش أزقة جوه ليصحى خلية نايم فى الصالة .
ياريتنى كنت صحيته ياريتنى كنت أخذته فى العربية
ياريتنى حتى كنت أخذت معايا موزة ولوزة جوه لحد ما أرجع .
بس هنقول إيه ؟ مقدر ومكتوب .
أنا طبعا ً ما لحقتش أشوف الموقعة كاملة لكن شهود العيان حكوا لى . وهم نفسهم حتى مش فاهمين إزاى ده حصل .
الأول موزة ولوزة راحوا وقفوا جنب عربية البيبى بهدوء ولما عمتهم قالت تعالوا بعيد علشان ما يصحاش قالولها ما تخافيش يا مجوده إحنا واقفين ساكتين أصلة بيضحك وامور وهو نايم وإحنا بنبص عليه بس .
الله يرحمها صدقتهم وكان عندها حسن نية وحسن ظن بكل الناس فما بالك بالمفاعيص الصغيرين الأمامير موزة ولوزة ؟ هى قامت تقفل البلكونة وراجعة لقيت حاجة بتطير وتنزل فى إيدها .
ياترى إيه ؟ بكرة نكمل
abeerxx66@yahoo.com
ليست هناك تعليقات:
إرسال تعليق