شعر على فى راس على
يابنى أحلق
لا
والله شكلك احلى وانت حالق
لا
طيب قصره شويه أنا مش شايفه وشك من الشعر
لا
وفجاه جرس الموبايل
الو
ممكن اكلم مامة على
أنا ماماته خير مين حضرتك؟
انا مس نجوى مديرة المدرسه.
قلبى وقع فى رجلى .. قلت اكيد على عمل كارثه فى المدرسه أو سقط فى كل المواد
انا باكلم حضرتك يا دكتورة علشان شعر على
خير؟
لازم يحلق هو مبوظلى المدرسه كلها.
نعم؟ شعر على مبوظ المدرسه إزاى يعنى؟
كل ما أقول لواد إحلق يقولى غشمعنى على لما خلى شكلى وحش قدام كل المدرسين والطلبة.
والله انا باحاول معاه بس أنتى عارفه دماغ المراهقين وعموماً دى حاجه مش خطيرة وحريه شخصية!!!
انا قلت كده ولقيت مس نجوى إنفجرت فى التليفون
لأ طبعاً مش حرية شخصيه وبدأت تدينى درس فى الأخلاق الحميده.
والله كنت هعيط وهى بتوضح لى إن شعر على ضد " النظام"
وبدأت تهتف والمدرسين وراها
لازم نحافظ على النظام
لازم شعر على ينام
وفى اليوم ده قررنا فى مجلس العيله اننا نتبنى شعر على ونربيه لحد ما يخلع النظام المدرسي العتيق.
Ali's hair is great. he looks coooooool
ردحذف