حادى بادى

حادى بادى

قررت أعمل استطلاع رأى منزلى وأسأل اللى حواليه قبل ما أقرر هأختار مين فى الإعادة.  ودى نماذج مشرفة للشعب العظيم بجميع فئاته البسطاء ، المراهقين ، وأساتذة الجامعه .

 إجماع تام:  الاتنين احسن من بعض وعشان كدة  ولا مرسى ولا شفيق

ولا إخوان ولا فلول

-         استطلاع رأى 1

-          هتختارى مرسى ولا شفيق يا أم شريف؟

-          ياخرابى حد يختار من دول يا دكتورة

-          طب هنعمل إيه ما فيش غيرهم

-          أختار المر ولا اللى أمر منه ؟ يارب إرحمنى

استطلاع رأى2

-          عاوز مرسى ولا شفيق يا عم إبراهيم؟

-          يانهار إسود عليا وعلى اللى خلفونى د أنا زى ما كون بأختار بين الطاعون والسرطان

-          يارب إرحمنا من الهم دة.

-         استطلاع رأى2

-          نختار مرسى ولا شفيق يا أولاد؟

-          إيه يا ماما مرسى ولا شفيق؟

-          يعنى حقنه ولا لبوس

-         يعنى كارثه ولا كابوس

Dr. Mary, which candidate will you vote for?

Neither. I hate both of them, our potential presidents  Shafeek  and Mursi.

How come?

I will stay home;  both of them don't deserve my voice.

How about you Prof. Magraby?

I haven't decided yet.  Either way, I will vote and vomit.

I cannot stand both of them

اراء اخرى:

ولا زفت ولا قطران

ولا طاعون ولا سرطان

ولا إستهبال ولا جنان

كل ده والشعب لسه جعان

يارب سترك على مصر

اللهم أرفع مقتك وغضبك عنا وولى خيارنا أمورنا يارب العالمين.

  طيب إيه الحل؟

مش عايز تكون "فل" مع شفيق ولا "أخ" مع مرسى نعمل إيه ؟

مش ممكن تكون الديمقراطيه كده وبس لازم يكون فى حل.

الحل بسيط . اللى مش عايز يدى صوته ولا لمرسى ولا شفيق بلاش يقاطع الإنتخابات

أحسن حاجه نبوظ أصواتنا

طيب هنستفيد إيه ماهو لازم واحد فيهم هينوز؟

طبعاً اكيد بس لما الفايز يفوز بأصوات كثير ولا قليل أحسن؟

لو الرئيس فاز بأصوات كثير طبعاً هيفرد علينا ويخدع نفسه ويقول ده الشعب أهه بيموت فى دباديبى وانا جابتنى الأغلبيه ومحدش يفتح بقه ثانى معايا.

لكن لو عدد الصوات البايظه (الباطله)كبير الفائز والخسران هيلموا نفسهم وهيعرفوا إن فى ناس كثير رفضت تشترك فى المهزله وإستخسروا اصواتهم فى الإثنين.

يعنى أصواتنا البايظه هتكون زى مسمار جحا فى نعشه-  قصدى فى عرشه.

وهتقل راحته وتخليه يفضل يفكر: هى الناس الكثير أم اصوات بايظه ديه بتفكر فى إيه دلوقتى؟

ويمكن يعملوا إيه معايا؟

أو بمعنى اصح يعملوا إيه فيا لو بدأت العب بديلى؟

واهى مجرد محاوله لسد نفسى الرئيس القادم عن الدنيا زى ما الرئيس بتاع طره سد نفسنا عن الدنيا وخلانا نتمنى الاخره بسرعه

ولا ايه رأيكوا؟

على فكرة انتوا عقدتونى كل مرة اسالكوا ولا ايه رأيكوا؟ محدش يرد

يلا كلنا نبدأ حمله تبويظ أو "إبطال" الإصوات وربنا ينصر مصر على الإخوان والفلول و تكون سيدة مصر الأولى الجديده مش زى أم سحلول.

abeerxx66@yahoo.com