القائد على
جاتلى أسئلة كثير عن قصة البجع وناس كثير قالت ليه إنتى أصلا ً مقعدة نورا قدام وسايبة على وراء يشد فى شعرها ؟ مش كدة حرام ؟
بعضهم زودها وقالى إنت كدة أم مفترية ومش بتراعى إن الرجال قوامون على النساء وحطة الولد وراء وسايبة الكلبوظة قدام
طبعا ً اللى ما يعرفش يقول عدس ولا إنتم فاهمين أى حاجة ولا أنتم عارفين على كان بيعمل فينا إيه من وهو فى المهد
على باشا راجل مقدام ومغوار وبيحب يقود الـ stroller طول عمره .
فى الأول كنت بأقعده قدام ونورا وراه لحد ما بقى عمرهم ست شهور وبدأو يتحركوا شوية ويقعدوا ويشدوا فى بعض .
ومرة كنا بنعمل shopping فى Wall Mart والدنيا زحمة وأنا سايبة عبد الله يزق الـ stroller بالعيال لإنى مشغوله بعربية المشتروات .
أول مره لقينا حاجات كثيرة ضاعت من العربية بتاعتهم : يعنى لعب وشخاشيخ وجزم وشرابات لحد ما ثانى مرة ظبطنا على وهو بيحدف كل حاجة من العربية وإحنا بنزقها ومش واخدين بالنا .
قلنا مش مشكلة وبطلنا نسيب لعب جنبهم فى العربية وكمان بطلنا نلبسهم جزم وشرابات لإنهم بيقلعوها وعلى بيمارس هواية حذفها فى الشارع أو المول .
لكن المرة دى مش زى كل مرة دى ما جتش على رمى لعبه ولا كيس سيريال ولا ببرونة من بتوعهم أو فردة جزمة . الموضوع كان أخطر من كده بكثير كان موضوع حياة أو موت .
بكرة نكمل abeerxx66@yahoo.com
ليست هناك تعليقات:
إرسال تعليق