حربالطماطم
رجعنا من السوبر ماركت محملين بالخيرات يعنى
كيس مليان بنبون وشكولاتة ومصاصه وشيبسى والذى منه.
أنا توقعت إن التوأم وعبدالله هيتلهوا فى
الكيس ده على الأقل ساعتين على ما أخلص تصحيح شويه من أوراق الإمتحان.
طبعاً أيام التصحيح بتكون أيام عصيبه لأنى لأ
أسمح بتواجد القرود – قصدى الأطفال- معايا فى نفس الأوضةً لانهم لو دخلوا يبقى عليه العوض فى ورق الأمتحان وفى
مستقبلى الوظيفى فى الجامعة.
دخلت أصحح وقفلت على نفسى وأنا مطمنة
وسايباهم فى الليفينج بيتفرجوا على Barney the dinosaur -ومعاهم ثروة من Junk Food
على فكرة أنا سامعكوا وإنتوا بتقولوا إنى أم
مستهترة وبعود العيال عادات وحشة. بس هى دى كانت الطريقة الوحيدة إنى أشوف شغلى
وأنفرد بنفسى لمدة ساعة وأهى مرة كل ترم ما يجراش حاجة .
حسيت أن فى هدوء مريب وقلت الحمد لله الظاهر
العيال إنهمكوا فى التليفزيون والحلويات وقلت أكمل تصحيح.
وفجأة لقيت صوت قزاز بيتكسر وهم فطسانين من
الضحك.
بيعملوا إيه؟
بكرة تعرفوا
ليست هناك تعليقات:
إرسال تعليق